صورة صاحب النقاش - رهام عصام
رهام عصام
Webteb Badge مسؤول
قبل حوالي 2 أشهر

مشكلتي ما منعتني أصير أم - تجارب وقصص حقيقية

مرحبا يا صبايا أنا حابة هون نبلش نحكي عن قصص عشتوها أو بتعرفوا وحدة عاشتها، مشكلة طبية كانت عندها وتجاوزتها وحملت وصارت أم لألحى بنت أو ولد.وبدي أبلش بقصة لقريبتي، قريبتي كان عندها خربطة هرمونات قبل الجيزة كتير، ولما تجوزت ضلت سنتين والكل يحكيلها يلا ودار حماها ما رحموها، آخر شي وبعد صبر طويل طلعت حامل، كتير انبسطت يا حرام وانبسطنالها كتير انه الله أخيراً فرح قلبها، بعد اكم اسبوع كنت راكبة معها بنفس السيارة، ويطلع الشوفير على مطب قوي، روحنا واللي هي بتنزف ونزل البيبي، وحالتها النفسية كانت كتير سيئة، كل هاد صار وهي في زيارة عند قرايبها لما روحت عند جوزها، صابها بعد فترة وجع في بطنها فظيع، أخدها جوزها عالدكتورة بسرعة، واكتشفوا ساعتها إنها كانت حامل بتوأم، واللي نزل كان بس بيبي واحد، والبيبي التاني كان عم يكبر جوا القناة عندها، يا حرام استأصلوللها قناة كاملة ونضفولها الرحم منيح، وبعدها صارت تحكي لجوزها بديش احمل وتعقدت... مروا أكم شهر بس، واللي هي بتتصل فينا بتعيط، ولك مالك؟ قال أنا طلعت حامل وخايفة يصير معي متل هديك المرة!! طبعاً الحمدلله هالمرة الحمل كمل، بعد ما بطلت بدها تخلف حتى! سبحان الله! وجوزها كان حاكيلها انا بديش ولاد انتي اهم! وهاد الحكي عمره سنين، هلا هي عندها اربع اطفال ماشالله <3خلوا أملكم بالله كبير يا جماعة شو ما كانت المشكلة <3 <3


أضف تعليقاً
صورة صاحب التعليق - nona nona قبل حوالي 2 أشهر

انا في عندي صاحبتي قعدت 5 سنين متجوزة وربنا ما طعمها ولاد وجربت علاجات مختلفة زي اعشاب طبية وادوية وعملت كتير فحوصات وما كانت تحبل... بالاخر بعد محاولة سنين قررت ان تعمل Ivf اطفال الانابيب وقبل ما تبلش بالعلاج في مجموعة فحوصات مفروض تعملها من ضمنهن كان فحص دم... تخيلو شو طلع بالفحوصات... طلع انها حامل وما في داعي تعمل العلاج فرحنا قد الدنيا..الله يدوق هاي الفرحة للجميع

صورة صاحب التعليق - صفية محمد صفية محمد قبل حوالي 2 أشهر

انا ما بعرف قصة حدا بشكل مباشر، بس بتذكر قبل فترة كنت بزور حدا في المستشفى في قسم الولادة، والغرفة اللي جنبنا بالزبط كانت كتير دوشة وزغاريد، طلعنا نشوف شو في، كانو عاملين زينة ما شفت متلها بحياتي عباب الغرفة لمولود جديد، وبس سالنا، طلعوا هاد الولد هو البكر وخلفهم الاول بعد تقريباً 13 سنة زواج أو اكتر! يا الله شو قشعر بدني من فرحتهم وكيف ربنا اعطاهم، جد خلوا املكم بالله كبير هو قادر على كل شي

صورة صاحب التعليق - فلة  لبنان فلة لبنان قبل حوالي 2 أشهر

وانا عندي كان صاحبة، يا حرام حلمها تصير ام ويا الله شو كانت حنونة، لما تجوزت صارت كل ما تحمل تنزل، كانه في اشي في جسمها بيضل يهاجم الجنين، يمكن اجهضت 3 مرات او اكتر، واخر مرة حملت وتغلبت وحكالها الدكتور بدك يثبت الحمل بدك راحة، قامت اجلت فصل الماجستير تاعها، وقعدت في البيت واخدت اجازة، وبعدها باسبوع يا حرام رجعت نزلت، وكان عمر الحمل يمكن اربع اشهر او اكتر شوي، طبعاً يئست من الحياة، وبعد سنتين عملت عملية زراعة لثلالثة اجنة، والله كملها معها، متخيلين خلفت تلاتة اسم الله! بعد كل هالصبر وكلهم ثبتوا! الله يخليلها اياهم، والله دايماً يحسها قصة من فيلم! بس جد صارت، والله يطعم كل مشتهي يا رب

صورة صاحب التعليق - sania sania قبل حوالي 2 أشهر

سلام صبايا والله يطعم كل مشتهي يا رب انا صرني 6 سنين متزوجة والله ما أطعمني وتعزبنا كتير وتعالجنا كتير بس كل الحكمة يقولو من عنّا وكل شي تمام وفقدنا الأمل وبس قررنا انا وزوجي نعمل علاج مثلاً قررنا انو شهر الجاي بدنا نبلش وبالشهر لي قررنا فيه طلت انا حامل ودخيل اسمك يا الله بدون شي رسالتي ما تقطعو لأمل ربنا كريم بس بدو بيعطينا

صورة صاحب التعليق - حفصة حياني حفصة حياني قبل حوالي 2 أشهر

وانا بعرف صبية طلع معها سرطان واخدت كيماوي، وحكولها يستحيل تخلفة، يا حرام تعالجت وهر كل شعرها وحواجبها، وبعد سنتين عملت زراعة لتلاتة اجنة، نزلوا تنين وضلت البنت وخلفتها بالسلامة، ومش بس هيك بعدها باكم سنة رجعت جابت ولد ورجع شعرها وحواجبها، يا لله بس اشوفها بتفاءل في الحياة، الله قادر عكل شي

الصورة الشخصية
تأكد من تعبئة جميع الحقول
ليس لديك حساب؟ قم بإنشاء حساب جديد
أو
أضف الموضوع إلى

facebook pixel