صورة صاحب النقاش - sheraz
sheraz قبل حوالي 11 أيام

يارب يا جبار الخواطر 😞 بتمنى تقرأوها

يارب لا اعتراض على كرمك وحكمتك والحمدلله على عطاياك ..
انا بدي احكي اللي بقلبي وبتمنى تتفهمو اللي انا فيه واني بدي حدا احكيله بلكي برتاح...
انا عمري ٣٥ سنه وربنا رزقني ببنتين بسم الله عليهم متل القمر والحمدلله بصحه وعافيه وكل الناس بحبوهم وانا بموت فيهم وهمه اغلى اشي بحياتي على قلبي وقطعه من روحي..
قبل تقريبا ٦ اشهر فكرت اني اجرب اخد بالاسباب واتوكل على ربنا واحمل بلكي ربنا اعطاني ولد يكون اخ لبناتي و سند لأبوه و افرح اهلي بهالخبر ..
رحت عند دكتوره مختصه و معروفه وبلشت معها شهرين حميه غذائيه و ابر تنشيط انهلكت منهم وادويه و فحوصات وتكلفت جدا لانه كل الادويه غاليه جدا بس كنت مبسوطه وطمعانه بفرحة قلبي .. وبعدها حددت يوم لعملية الحقن لانجاب ذكر ورحت وعملتها وكمان كلفتني مبلغ مش قليل، و خلال اول اسبوعين صارت معي كل اعراض الحمل كااامله سبحان الله ، ولما حللت طلع سلبي وحللت دم ٣ مرات و ما كان في نصيب اني احمل ... حمدت الله و قررت اني الشهر اللي وراه رح اجرب احمل طبيعي بدون اي ادويه او منشطات و رحت على دكتورتي اللي ولدتني و تابعت معها الاباضه و حددت يوم واخدت ابره تفجير و فعلا حملت وانبسطت كتير والحمدلله ، و كنت طمعانه ومتأمله بانه ربنا رح يجبر بخاطري ويفرحني لانه انا وزوجي نيتنا صافيه والحمدلله اي حدا بيحتاج اي اشي منا بنركض ركض وبقلب طيب والله
و تصدقت بنية انه ربنا يرزقني بولد ويفرح قلبي.. و تبرعت ونذرنا نذر و صليت كتير ودعيت وقرأت البقره و استغفرت بنية قضاء الحاجه بالشهر التالت رحت عدكتوره غير دكتورتي فضول اعرف بشو انا حامل وحكتلي احتمال بنت .. ضليت عندي امل انه يكون ما بين معها وانه البيبي صغير ولسه أعضاءه ما اكتملت .. استنيت للشهر الرابع ورجعت عدكتورتي و بس فحصتني حكتلي مو مبين والحبل بين الرجلين و انه يفضل اأجل للشهر اللي بعده، وفعلا استنيت وما يأست و حلمت احلام كتير كلها انها بشرى بالولد سبحان الله كنت اصحى مبسوطه بالليل واصلي ركعتين لربنا انه يحققلي حلمي .. ولما اجا الشهر اللي بعده رحت عموعدي ويلا الدكتوره بتحكيلي بنت... ما بعرف شو صار معي هيه خيبه هوا حزن وانا قلبي من جوا ما بده انه احزن ولا اعترض على عطايا الله والحمدلله غيري بيتمنى الولد او البنت ومحروم منهم ... كل اشي صار معي من اعراض و وحام كلها بتدل على الولد وابدا مش متل حملي ببناتي اللي قبل ويمكن هاد اللي خلاني اتفائل اكتر ...
ياربي لا اعتراض على عطاياك ... الحمدلله والمهم صحتها وعافيتها.. انا ما بعرف ليش حكيت كل هالتفاصيل بس يمكن كنت بحاجه اني افضفض لاني مش قادره احكي اللي بقلبي لحدا .. ادعولي ربنا ييسر اموري بس ...


أضف تعليقاً
صورة صاحب التعليق - Deiaa mhmad Deiaa mhmad قبل حوالي 10 أيام

احمدي الله انو خلقه تامه معلش صبي فيكي ترجعي تحبلي وتجيبي

الصورة الشخصية
تأكد من تعبئة جميع الحقول
تأكد من صحة اسم المستخدم وكلمة المرور
ليس لديك حساب؟ قم بإنشاء حساب جديد
أو