صورة صاحب النقاش - Sara
Sara قبل حوالي 19 أيام

حبيت شاركم بتجربتي مع الشهر الثامن بالحمل

حبيت إحكيلكم على شغلات عم بتصير معي وسألت عنها الدكتورة تبعي وإستغربت صراحة سبحان الله إنو كل هي الأشياء الها علاقة بالحمل ..انا حاليا باقيلي أسبوع وكم يوم بدخل التاسع ان شاء الله انا صرلي تقريبا خمس أيام بعاني من لعية نفس واستفراغ اي شي باكلو طول اليوم بستفرغو حتى لو كان بس نعنع او شي خفيف وعم عاني من ألم بأذني وحرقة بالمعدة ووجع بالرأس ودوخة وألم كتير من حركة البيبي وأكتر شي بليل وماعم بنام بليل أبدا من يوم دخلت الثامن بسبب حركة البيبي وبحكة داخل الأنف رحت امبارح على دكتور أنف وأذن وحنجرة وحكالي إنو هي الأشياء طبيعية بالحمل وإنو صعب يعطيني عليها أدوية ووجع الرأس بسبب وجع الأذن المتكرر وإنو كلشي بالجسم مرتبط ببعضو ونصحني إتحمل وإحتسب الأجر هههههه
والغثيان كمان سألت عنو دكتورتي وحكتلي إنو شي طبيعي كتير هالفترة طبعا والسبب هوة ضغط البيبي على المعدة والمثانة ومجرى التنفس وهاد كلو غير المشاكل اللي بتصير بشكل طبيعي بهاد الشهر متل حركة البيبي المتزايدة والدخول ع الحمام كل نص او ربع ساعة والشهية المفتوحة بشكل عجيب وصعوبة النوم بسبب انو مافي ولا وضعية مريحة للنوم وضيق النفس ..يعني بضلني بحس بالجوع كل الوقت وباكل وأنا عارفة إنو بالأخر رح استفرغ ومارح بستفاد شي من الأكل بس منشان سكت الجوع مو أكتر وهاد طبعا غير العطش المتكرر يعني فعلا سبحان الله كلشي بيصير غريب بالحمل وكلشي بالجسم بيتغير ..وأكتر شي ممتع هوة حركة البيبي مع إنها مؤلمة جدااااً بالنسبة لإلي لأنو البيبي وزنو منيح كتير وأنا مو كتير سمنانة يعني بضل بحس بحركاتو بشكل مزعج وبنفس الوقت شي ممتع ..نصيحتي إستمتعو بكل لحظة بالحمل وفعلا حاسة نفسي بس أولد وشوف إبني ع خير رغم كل هاد التعب بس هي أحلى مرحلة متعبة بتمر فيها أي أم والله يكملها معنا ع خير ويسرلنا حملنا ويهونها علينا ياارب ♡


أضف تعليقاً
صورة صاحب التعليق - Sara Sara قبل حوالي 19 أيام

طبعا هاد كلو بس بالشهر الثامن لو بدنا نحكي عن كل شهر لحالو مامنخلص ههههه..شاركوني كل وحدة بأي شهر وشو الأشياء اللي بتصير معها وبتحس فيها من مشاعر تعب وسعادة ♡

صورة صاحب التعليق - Doha Doha قبل حوالي 18 أيام

انا بالشهر التالت وصح بعدني ماحسيت بحركة الجنين بس طاير عقلي من الفرحة الحمدلله هاد حملي الاول بعد سنتين زواج واكيد عم حس بدوخة واستفراغ الله يكملا معنا على خير ويطعم كل مشتهي يارب

صورة صاحب التعليق - Sara Sara قبل حوالي 18 أيام

اي سبحان الله فعلا الحمل هوة أحلى شعور ممكن تحس فيه الأم وان شاء الله ياارب عن قريب بتحسي بحركة البيبي والله يكملها معنا ع خير ياارب ويقومنا بالسلامة

صورة صاحب التعليق - عزالدين سامي  عزالدين سامي قبل حوالي 18 أيام

الله يوفقك وان شاء الله تمر على سلام ويجيك البيبي بسلامه

صورة صاحب التعليق - Sara Sara قبل حوالي 17 أيام

يااارب جميعا ان شاء الله

الصورة الشخصية
تأكد من تعبئة جميع الحقول
ليس لديك حساب؟ قم بإنشاء حساب جديد
أو
أضف الموضوع إلى

facebook pixel