الوساوس القهرى والتوتر والخوف والهلع

السلام عليكم ورحمة الله وبركاته انا فى عمر 21 سنه من فترة كبيرة بدأ يحصلى وساوس من حاجات غريبه وبدون اي سبب واضح والموضوع بدأ يتطور وانا كنت بتعامل على انو امر بسيط وهيعدى وبعدين دلوقت الوضع وصل ان حياتى كلها بقت رأس على عقب وبقيت متوتره وغضبانه دايما وبنفعل بسرعه والتركيز عندى بقا ضعيف جدا وخايفه من حاجات وهميه ومبقتش عارفه حتى احدد ايه المشكله علشان اقدر اعالجها والتعامل مع اى حد حواليا بقا صعب جدا وبقيت بنفعل وبتصرف تصرفات غلط وتصرفات غريبه مع الى حواليا .. انا نفسى بستغربها بعد ما اهدى ودلوقت حاسه انى لوحدى ومفيش حد جمبى ولا فاهمنى وبتجيلى افكار سلبيه كتير وخايفه اخد اى خطوه تخلينى اخسر كل حاجه ف ثانيه. لو فى حد عندو حل او مر بالتجربة دى قبل كدا يريت يفيدنى.وشكرا...