ادخل ضروري

السلام عليكم ورحمه الله وبركاته كيفكم طيبين ان شاء الله عندي موضوع ابي اتكلم فيه وبي مساعدتكم وتجاربكم وارئكم ونصايحكم الموضوع ومافيه تقريبا عام ١٤٣٧ شهر ٨ كنا اغلب وقتنا نروح الكزنو او القهوه نلعب سوني ونجلس لين قبل الفجر ونطلب مضغوط دجاج واطيح لك ف الفلفل ونا من قبلها كنت مكثر بالفلفل لدرجه ونا رايح الجامعه الف لي خبز مع ثلاث قرون وافطر فيها المهم اخر ليله تعشينا الفجر بالكزنو جيت البيت على صلاه الصبح جيت بنام الل بطني كن فيه اسمنت وضيقه ما تخليني اجلس لازم امشي ف نمت ذاك اليوم ممكن الساعه ٨ الصباح بعد تعبىشديد المهم تطور الالم وجاني ممكن بعد ٥ ايام خوف لدرجه اني اقول الموت جاي جاي وضعفت وتعبت جسديا انزل السوبر ماركت عشان اشتري لاهلي اقول خلاص طلعتي ذي معا ابرجع بموت رحت اكثر من طبيب لم يحددو المشكله المهم صار الحال اسوا واسوا لدرجه اني وقت النوم ابكي وجبت راقي اكثر من مره ونفس الحال لين نهايت رمضان رحت لدكتور قالي عندك جرثومه وتليف بجدار المعده وعندك قولون عصبي وفطريات وقولون هضمي عطاني حبوب صرت حتى الحبوب اذ جيت باخذها اقول خلاص الحبه ذي بموت بعدها رحت لطبيب نفسي صرف لي حبوب اذكر منها سيوركزات تطور الوضع صرت ما اقدر امشي الا بواحد معي من دون احد مقدر اخاف صرت طول وقتي ادور الضحكه مافي مره كن مخنوق مع الحلق مرت الايام وهداء بطني شوي راح الخوف شوي لكن طلعت عندي عاطفه شديده لدرجه اني لو شفت احد متعطل او مريض او جابو خبر واحد مات ابكي شوي شوي صرت اخاف اسافر او اخاف انام برا البيت او بمجرد اني افكر اروح مكان بعيد يجيني زي الطعنه بقلبي او اتخيل ممان مرتفع يجيني زي الدوخه والفتر المهم استمريت على الحبوب سنتان تغير موضوع الخوف والعاطفه صرت اقوا من اول بس كانت تجيني نوبات هلع من دون مصدر او سبب رئيسي وصرت معاد اطيق العالم او الحياه على عكس العاطفه اللي بول الحاله او اني افكر اروح مكان بعيد الطعنه اللي تجي بقلبي وتسارع النبضات راحت بس صرت مستحيل اني انام برا البيت واذ نمت بغرفه معاد اقدر انام الا فيها مقدر انام بالغرف الثاني الا بعد تعب يعني العاطفه اللي كانت راحت المهم الحبوب سيوركزات استمريت عليها فتره ثلاث سنوات كل مره اقطعها وترجع لي النوبه لين رمضان الماضي تركتها والحمدلله لين قبل اربع شهور تقريبا عندي الوالد جاته جلطه المهم نفسيتي تعبت صرت مابي العالم اخاف اني افقد الوعي او اتلعثم او اقول شي غلط يعني صرت احب اجلس وحدي مالي نفس ف احد واحيان لا ماشاء الله ي زيني واحيانا لا رغم ان الوالد تنوم بس ماقدرت انام بالمستشفى عنده ليلتين ورا بعض اذ نمت اول ليله بالقوه الليله الثانيه نفسيتي مره تتعب ومالي نفس اكلم احد او اروح عند احد واحيانا تجيني حاله من الهلع ارجف وتعرق منها وبطني يكون مثل الاسمنت وكون مشتت الذهن وعلى اي مجهود اتعب وصعب اني انجز شي اكون متشتت الافكار راجعت دكتور ف جده علاجه سلوكي بدون ادويه ف ماقدره اواصل لضروف الوالد ف هل المرض اللي جاني هو سبب اللي انا فيه او انه المشكله نفسيه او مشكله من البطن لني من الفتره الاولى لم اراجع طبيب باطنه طبعا انا قبلها كنت ماشاء الله مافيني الا العافيه ف راجعت دكتور بجده قالي نوبات هلع اللي معاك عطاني خطه علاجيه طبعاوبدون ادويه فماقدرت اواصل لضروف الوالد فاللي مر بالحاله او يعرف دكتور كويس يدلني وسلامتك طبعا نوبات الهلع موجوده للان