تحذيرات مهمة لأطفالك (دكتور عيالك الشربيني محمد الشربيني )

طفل وقع على رأسه وبيشتكى من صداع شديد فوق قدره تحمله ... لازم دكتور ولازم أشعة مقطعية على المخ فوراااا طفل وصل الى سنتين ونصف ومفيش فى كلامه ولا كلمة مفهومه على الاقل ... لازم طبيب عصبيه ونفسيه أطفال وتطمنوا على السمع عند الطفل (بكرر ولا كلمة مفهومة) قرحه الفم اللى بتتكرر كتير (الهربس) او أى فطريات عموما دى علامه واضحه ومؤشر على نقص المناعه ولازم متابعه ضرورى جدا وبصوره قويه إبنك عنده ضيق فى التنفس .. إرتفاع فى درجة الحرارة .. تزييق في الصدر .. همدان واعياء شديد فى الجسم .. ده إلتهاب رئوى حضرتك وعلاجه عند الطبيب مش الصيدلى أقول كمان الطبيب أبو سماعة ده هااااا الإلتهاب الرئوى كفيل إنه يموت الطفل أو حتى لو كبير نسأل الله تعالى السلامة لنا ولكم يارب *********************** أى أم وأى أب عندهم ابنهم او بنتهم بيعانوا من السكر .. الطفل هنا بيفضل طول عمره ماشى على الانسولين وبالتالى فهو معرض انه ينسى جرعه او اتنين او يزهق وبالتالى هو معرض جدا جدا جدا لغيبوبه السكر ودى مصيبه وتستدعى دخول الرعايه المركزه طب الام هتعرفها ازاى ؟ أول ما تلاقى النفس بتاع الطفل سريع .. ولونه مخطوف .. وعنده الم رهيب فى بطنه وعمال بيرجع .. وعنده جفاف واضح وملحوظ جدا .. يبقى لازم نقيس السكر والاسيتون فوراااااااا هيطلع السكر عالى جدا بدون كلام .. والبول فيه اسيتون علشان كده لازم وحتما ولابد يكون موجود فى البيت جهاز قياس سكر .. وكمان شرايط االاسيتون .. مهمين جدا جدا جدا ************************** اللوز .. المشكلة الأكبر لكل أب وأم مع ولادهم حلها الوحيد هو المتابعة مع طبيب لو فيها صديد يبقى مفيش غير العلاج بمضادات حيوية فعاله .. ولو ضررها اكتر من نفعها يبقى نشيلها .. طب ايه أضررها اللى بتخلينا ندى بنسيلين طويل المفعول ؟ ممكن تعمل مشاكل فى صمام القلب ممكن تضر الكلية جدا وتنزل دم فى البول ممكن تعمل مشاكل فى المخ بس دى تبقى مرحله متأخرة جدا إنما ليها مشاكل تانية لا تستدعى بنسلين زى مثلا الالم المفاصل المتنقل بدون ضرر للمفصل مشاكل جلديه ترجيع او الام ف البطن ... علشان كده بنعمل التحاليل دى ASOT , ESR علشان نحدد حجم الخطورة والعلاج ************************* ممنووووووووووع ممنوع ناخد اى دواء ديدان وخلاص من غير تحليل براز من غير ما نحدد النوع لانه فيه انواع معديه وتحتاج لجرعات وقائيه لباقى افراد الاسره الاوتروفين ممنوع استخدامها اكثر من 4 ايام فقط واى قطره للعين فيها كورتيزون ممنوع استخدامها بدون استشاره طبيب ممنوع ناخد اى فوار من غير تحليل بول وتحديد نوع الاملاح وممنوع حقنه البينسيلن طويله المفعول تتاخد بدون اختبار حتى لو متاخده قبل كدا 20 مره وحقنه التيتانوس تعطى مناعه منه تصل ل 3 او 4 سنوات فلا يستحب تكرارها (بعض الأبحاث ذكرت أن المناعة تصل إلى 10 سنوات ) واى حقنه مسكن هتضر المعده وتعمل قرحه زيها زى البرشام .. واضح ممنوع نصبر على اى خراج او تجمع صديدى فى الجسم الا لما الطبيب هو اللى يقول لانه فى اماكن للخراج ممنوع اصبر اصلا عليها حتى.. زى الثدى والوجه و .. و .. الخ البريمبران حقن ممنوعه فى الاطفال قبل 6 سنوات وممنوع تجاوز الجرعات .. ********************* نوفالجين ممنوع .. إشمعنا ؟!! بيدمر جهاز المناعة وبيقلل كرات الدم البيضاء وبيخسف بيها الأرض وحتى دول العالم اللى بتحترم آدمية الناس وقفوا إنتاجة. .. نوفالجين للأطفال وللحوامل جريمة لأنه بيأثر على نمو الرئتين **************** الكبده والعسل الاسود والباذنجان والسبانخ .. والتفاح والموز والكمثرى فيهم نسبه حديد عاليه ومفيدين جدا مع مرضى الانيميا شير × الخير #دكتور_عيالك_الشربيني_محمد_الشربيني أخصائي الاطفال وحساسية صدر الأطفال