تعبت مليت من كل شي!
أنا عم بكتب حتى عارفي كل مرة ما بلاقي ردود بس هيك حبيت اجى وقتي جديد جبرني أكتب ودموعي تنزل ما بعرف ليش ما قادرة إستوعب نفسي ولا أفهم أي حاجة بتصير معي أنا كتيييييييييييييير ببكي ما بعرف عطول لحالي حتى لو كنت بين أهلي ما بحس بشي كل يوم نفس الحالة المشكلة العائق بحياتي ما فينا نكتب كل شي يمكن مش خوف أو شي بس إستحالة ربنا أعلم أنا كمان كأنو باخد كل شي بمسخرة وكرهت هالكلمة وعايشي بالتفنيص عم أضحك ع حالي وينضحك عليي وليي مين يكونو ولك فشرو إذا يلي متزوجينن أحسن مني وكرامتي فيهن كلن ما عندي شي يهمني ولا حدا ولا بقدر أحب وأتزوج متل أي بنت ناقصني حقوق إنسانية كيف بدي أستمر إذا ما قدرت دافع عن حالي بدي من الله القوة والشفاء العاجل لأن جربت دكاترة كتير ولا شي راحت سنين هباء خسرت عمري ما بتذكر ولا يوم مرق عليي عشتو بكل تفاصيلو ولا تغير معي شي حاسي كأني ختيارة شعري شيب كمان من النفسية... وجي من البكي تجعد ولا بعمري حكيت كان بعيني شي لأنو من جواتي ما بيعرفو شو في شو بدها تغرني الدنيا ويلي فيها من زمان بيعتها صار النوم ملجأ الوحيد والأكل فشة خلق والطقس كل يوم بيومو أصقع يمكن حتى لو مشمس ما بروح لمطرح كأني بسجن وأفكاري ما فيها نضوج طفولية ومحدودة مشاعري متناقضة عقلي مسكر ما بيطلع الحكي من قلبي بس احكي ... عم حاول أتعرف ع حالي صعبة ما عم لاقي شي أكتب بالكاد عم طلع من راسي معلومات عني تعبانة من جوا ومن برا ما في يوم بطالع شي وأفهم عقلي شو مرض حيروني كل حكيم بيكتب شكل وبشخص غير هلق عالقة بالأدوية ما حدا مهتم الله لا يبلي حدا بهيك أدوية ويشفي كل مريض آمين يا رب فرجا وهون وارحم كل نفس ما ذاقت طعم الحياة بسبب عدة أمراض وما في دواء للأمراض المستعصية ولا حكيم بيقدر يكشف علينا المرض والعلاجات اللازمة والأنسب بس الله القادر علينا ما عاد عندي ثقة بحكيم ولا شي يا رب أملي فيك عطول أعطيني ما يريح قلبي ويسعده قلبي بحاجة كن أنت السند ولا تعلق قلبي بأحد غيرك بحق لا إله إلا أنت سبحانك إني كنت من الظالمين بحق محمد وآل محمد اللهم آميييين بك نستجير من كل عذاب في الدنيا وعذاب القبر ونعوذ بك أن نكون من أهل الفواخر وأمنيتي لا قبلها ولا بعدها إلا وهي الجنة أكرمنا بها وبرؤية جمال وجهك الكريم وأن تدخلنا من من رحلو من الأحباب الطيبين الطاهرين أمي ووجدتي وجدي الله يرحمنا جميعآ دعائكم لنا ولأمواتنا 🤲🙏🏻
